"Абарона астравоў", Эліат. Спроба перакладу.

Да мураваных помнікаў - трывалых
прылад музычных, да стагоддзяў незлічоных
цярплівай працы над зямлёй, над вершам
ангельскім

Няхай прылічаць памяць гэтай абароны
астравоў

і памяць тых, на шэрых караблях -
на баявых, гандлёвых, рыбалоўных -
якія ўнёсак свой зрабілі у насьціл
з брытанскіх костак на падлозе мора

І тых, хто ў найнавейшай форме чалавечай
гульні са смерцю, біўся з цемрай у паветры
ды ў полымі

і тых, якія шляхам продкаў шлі
да Фландрыі і Францыі, ў паразе
непераможаных, у посьпеху трывалых,
ад прадзедаў адрозных толькі зброяй

таксама тых, каму дарогай славы сталі
завулкі й вуліцы Брытаніі:

хай скажуць мінулым і будучым пакаленьням
нашай мовы і нашай крыві, што мы занялі
нашы пазіцыі ў згодзе з загадамі.

( Арыгінал пад катам )